என் இனியவளே

என் இனியவளே
 
உன்னைக்காணாமல் ஏங்கும் விழிகளுக்கு
உறக்கமாக.. நீ எப்போது வருவாய்

உன் பெயர் சொல்லும் இதழுக்கு

முத்தமாக.. நீ எப்போது வருவாய்

உன் நினைவால் வாடும் மனதிற்கு
சாமரமாக.. நீ எப்போது வருவாய்

உன் மூச்சுக்காற்றை சுவாசிக்க
என் அருகில்.. நீ எப்போது வருவாய்

உன் கூந்தல் மலரும் என்னை
கேலி பேசாமல்.. நீ எப்போது வருவாய்

உன் கால் கொலுசும் என்னைக்கண்டு
ஒலியாமல்.. நீ எப்போது வருவாய்

உன் சிங்காரச் சிரிப்பும் என் காதோரம்
ஒலிக்க.. நீ எப்போது வருவாய்

உன் அணைப்பில் என்னை மறக்க
என்னுள்.. நீ எப்போது வருவாய்

உன் நினைவால் வாடுவது நானல்ல
என்னுள் இருக்கும் நீ தான்..

இனியும் என்னை  வாட்டாதே
என் இனியவளே.. வந்துவிடு என்னிடம்..

கனவு

கனவு

உன்னுடன் பேசிய சில மணித்துளிகள்
என் வாழ்வின் பொக்கிஷமாகும் ..

அதிகாலை கனவின் விழித்தெழல்
அழகான பணிதுளிக்கனவாக ..

என் வாழ்நாளெல்லாம் என் நினைவில்
கனவு ஒரு முறை தானே வரும்

அதன் தாக்கம் நினைவில் எப்போதும்
மௌன சாட்சியாய் மனசாட்சி..

ஏன் அழுகிறாய் கண்களே..

மனதின் வலி கண்களால்..
தாங்க முடியவில்லையா ..

தாங்கும் சக்தி மனதிற்கு இல்லையா...

ஆறாத புண்ணுக்கு மருந்தானாயா கண்ணீரே..
நினைவுகள் மடிவதெப்போது..

கண்ணீர் வற்றும் போதா..
இதயம் நிற்கும் போதா..

மழைக்கரங்கள்

மழைக்கரங்கள்

எப்படிச்சொல்வது என்னவென்று சொல்வது

வர வர உன் குறும்பு அதிகமாகிடுச்சி..

என் உடலும் அதிகம் நடுங்குது 

நீ  ரொம்ப நெளிய வைக்கிறாய் என்னை ..

அதிகமாக  என்னை நெருங்கி விட்டாய்

இருக்கட்டும் உன்னிடமிருந்து தப்பிக்க..

நாளை முதல் குடை பிடித்துக்கொண்டால்

உன் மழைக்கரங்கள் என்னை தீண்டாதல்லவா ... 

அமைதி

அமைதி

காலம் ஒரு நாள் மாறும்
காத்திருப்பும் மாறும்
கவிதை தேயும்..

கலங்கிய நெஞ்சும்
துடித்த மனதும்..
கண்ணீர் வற்றிய கண்களும்

ஒரு நாள் அமைதி கொள்ளும்
அப்போது என் நெஞ்சமும்
அமைதி கொள்ளும்

அதுவரை
மீளாத்துயர் கொள்வேன்
உன் நினைவுகளுடன்..

ஏனடி தோழி

ஏனடி தோழி

உனக்குள் என்னை விதைத்தாய் தோழி
உன்னால் தானே நான் உயிர் வாழ்கிறேன் என்றாய் ..

உன்னை விட்டு பிரிந்தால் என் உயிரும் இல்லை என்றாய்
உனக்கு பிடித்த அத்தனையும் எனக்கும் பிடிக்கும் என்றாயே ..

உனக்குள் நான் உருகுகிறேன் என்றாயே
உனக்கென்று காதலன் வந்ததும் ..

உன்னால் எப்படியடி என்னை மறக்க முடிந்தது
உன்னை விட்டு பிரிந்தாலும் என் நேசம் மாறாதடி தோழி

முதல் முதலாய்..

முதல் முதலாய்..

முதலில் திருமணம் என்றதும் வெட்கப்பட்டது
முதல் கருவை ஏந்தியதும் பூரிப்படைந்தது
முதல் சிசுவை பார்த்ததும் ஆனந்தப்பட்டது..

முதல் பள்ளிக்கு அனுப்பும் போது
முதல் பிரிவால் சற்று கலங்கியது
முதல் வகுப்பென்றதும் கொண்டாடியது..

முதல் கல்லூரிக்கு அனுப்பிவிட்டு
முதல் முதலாக வெறுமையை உணர்ந்தது
முதல் சம்பளத்தில் புடவை வாங்கி கொடுத்தது..

முதலில் பெண் கேட்டதும்
முதல் முறையே வரன் அமைந்ததும்
முதல் முறை புகுந்தவீடு அனுப்பிவிட்டு..

முதல் முறையாக மனம் வெடித்து அழும்போதுதான்
முதன் முறையாக தோன்றியது
என்தாயும் இப்படித்தான் அழுதிருப்பாலோ...

அலை கடல்

அலை கடல்

மின்னலாய் நீ வருவதும் போவதும்
என்னதான் உன் கதை ..ஏன் இப்படி..

உன்னை எத்தனை முறை பாத்தாலும்
பார்த்துக்கொண்டே இருக்க தோன்றுதே ..

உன் இதமான காற்றின் குளுமை
என் உள்ளம் துடிப்பது உனக்கு ..
நன்றாகவே தெரியும் ..இருந்தும்

இந்த கண்ணாமூச்சிதான் புரியவில்லை..
உன்னைத்தானே நான் கேட்கிறேன்
அலையே ஒரு நிமிடம் ஓரிடத்தில் நில்லேன் ..

குளிர் பேச்சு

குளிர் பேச்சு

கருமேகம் மறைந்து காற்றுப்போக்கில்
மழை பொழிந்துவிட்டு போவதுபோல்
நீ சென்ற பின்னரும் உன் குளிர் பேச்சு
என்னை மெய் சிலிர்க்க வைக்கிறதே
இதென்ன மாயம் ..

உன் நினைவாகவே இருக்க
நீ என்ன மாயம் செய்தாய்
உன் பேச்சு திறமையா
அல்லது உன் இதழ் முத்தமா .
இதென்ன மயக்கம் ..

பொழுது விடிவதே உனக்காக தானோ
ஏன் இவ்வளவு சந்தோசம்
இப்போதெல்லாம் நானும் அழகாகிவிட்டேன்
என் மனம் பாட்டெல்லாம் பாடுகிறது
இதென்ன மாற்றம்..

டேய் எந்த்ரிடா இன்னும் என்ன தூக்கம்
அம்மாவின் குரல் ..ஓ எல்லாம் கனவா
மீண்டும் கண்ணை மூடுகிறேன்
என்னவள் திரும்ப வருவாள் என்று
ஏனிந்த மாயம் ...

நான் கொண்ட காதல்

நான் கொண்ட காதல்

சின்ன சின்ன சிந்தனை
உன்னை நினைத்து..


நீ வருவதும் இல்லை
நான் உன்னை தேடுவதும் இல்லை...


ஒவ்வொரு நாளும் இருகும் என் மனதை
இன்னும் காயப்படுத்த முடியாது..

காதலுக்கும் காமத்திற்கும்
சிறு வித்தியாசம்தான்..

உணர்வுப்பூர்வமானது  காதல்
வெறும் உடல் இச்சை காமம்...

நீ கொண்டது எதுவோ நானறியேன் ..
நான் கொண்ட காதல் நானே அறிவேன் ... 

காத்திருத்தல்

காத்திருத்தல்

காத்திருத்தல் ஒரு சுகமான வலியாகும்
உனக்காக நான் காத்திருக்கிறேன்
ஆம் நீ.. மாறி வருவாய் என்று..

அதுவரை நான் உன்னுடன் பேச விழைய மாட்டேன்
உன்னை பார்க்கவும் மாட்டேன்..

உன் மீது எனக்கு நம்பிக்கை இருக்கிறது
நீ குழந்தை மனம் படைத்தவன் என்று..

நீயும் மாறுவாய் எனக்காக ஒரு நாள்
அந்த நாளே என் வாழ்வின் வசந்தமாகும்..

எப்படி திரும்பிப்போவேன்

எப்படி திரும்பிப்போவேன்

நடந்து நடந்து கால்கள் ஓய்ந்து விட்டன ..
மெதுவாக நின்று திரும்பிப்பார்க்கிறேன் ..

வெகுதூரம் வந்துவிட்டேனென்று..
நடக்கவே தெரியாத நான் ..

உன் கரம் பிடித்ததில் ..
எப்படி வந்தேன் இவ்வளவு தூரம் ..

கண்கள் இருட்டுகிறதே ஏன் .
நான் மட்டும் ஏனிங்கு தனியாக ..

எப்படி திரும்பி போவது .

ஐயோ என் கண்களில்...
கண்ணீரும் வற்றிவிட்டதே..

எப்படி திரும்பிப்போவேன் ..

அம்மா

அம்மா

எதற்கு இந்த சிரிப்பு..
எதற்கு இந்த முறைப்பு....

உன் கண் ஜாடை எனக்கா புரியாது
தேவை இல்லாமல் எதற்கு இத்தனை
புகழ்ச்சி ..

உன்னைப்பற்றி முழுமையாக நானறிவேன்
என்னிடமே எதற்க்கு இத்தனை ஜாலக்கு...

நண்பர்களுடன் சுற்ற பணம் வேண்டும்
அப்பாவிடம் பரிந்துரை இதற்குத்தானே ....

தோழமை

தோழமை

இத்தனை நேரம் சூடாகிப்போன
மனமும் உடலும் மழைச்சாரலின்
இதமான காற்றுடன் கலந்த தூரலில்
குளிர்ந்தது தேகம்...

மனதிலோ சாரலின் சந்தோசம்
இன்னும் சற்று நேரம் இயற்கையின்
மடியிலேயே இருக்க உள்ளம் துடிக்கிறது ..

நிதானமாக நடந்தவைகளை யோசிக்கிறது மனம் ..

ஏன்..? ஏன் இப்படி செய்தாய் ..
நான் உனக்கு என்ன தவறு செய்தேன்
கல்லூரி காலங்களில் ஒன்றாக
சேர்ந்து சுற்றியதை மறந்துவிட்டாயா..

பேசியது ஒன்று கூடவா
உன் நினைவில் இல்லை
நானாக பேசியதை விட..
நீயாக பேசியதுதானே அதிகம்

நானின்றி நீ இல்லை...
நீயன்றி நான் இல்லவே இல்லை என்றாயே.
பார்த்தவர்கள் எல்லாம்..
இது அருமையான ஜோடிபுறா என்றார்களே

நம் இரு வீட்டிலும் கூட..
நமக்கு எந்த தடையும் இல்லையே
உடுத்தும் உடை கூட ஒரே மாதிரி தானே ..
தோழிகளுக்கு உதாரணமாக இருந்த நாம்..

ஏனடி என்னிடம் சொல்லாமலே மணமுடித்து போனாய் ..
என் உள்ளம் துடிப்பது உனக்கு புரியவில்லையா...

ஊடல்

ஊடல்

ஊடல் சில நேரம்
கூடல் பல நேரம்
காட்சிகள் பல ஆயினும்
பார்வைகள் ஒன்றுதானே
இணைந்த மணங்கள் பிரயுமோ
பிரிந்த மணங்கள் கூடுமோ ..

சில நேரத்தில் நம் பார்வைகள்
தவறாகத்தான் எடை போடுமே ..
அதன் காரணம் உள்ளங்கள்தான் சேராததே ..
இழப்பென்பது நமக்குள் நாமே
நம்மை இழப்பதன்றோ ..

கொஞ்சம் கொழுப்பும் திமிரும்
எனக்கும் இருக்கு அன்பு தோழா
நெஞ்சம் முழுக்க உன்னை சுமந்த
கொழுப்பும் திமிரும்தான் அது....

உணர்ந்து நிமிர்ந்தால் வெகுதூரம்
நான் தனித்து விடப்பட்டது ..
என்னால் தவிப்பும் ....????

உன்னை முழுதாக நிச்சயம் நானறிவேன்
இத்தனை விளக்கமும் ஏன்..
சொல்ல தெரியவில்லை ..
என்னுடன் பேசவேண்டுமென்றோ.
என்னை பார்க்க வேண்டுமென்றோ
கண்டிப்பாக அல்ல ..

நான் இதுவரை உன்னை விட்டு பிரிந்ததே இல்லை .
இனியும் அப்படிதான் ..ஆனால் இனி
என் நினைவுகள் மட்டுமே ..
உன்னை சேரும் ..

என்றாவது ஒரு நாள்
என் தாக்கமும் உன்னை சேர்ந்தால்
உனக்காக நான் காத்திருப்பேன் ..
என் உள்ளம் உனக்கு தெரியும்..

உன் இதயம் கல்லென்று நீ சொன்னாலும்
அது குழந்தையென்று நானறிவேன் ..

பேசுகிறேன் நான் உன் இதயத்துடன்
புயலடித்தாலும் நான் பூக்கள் வீசுவேன்
முற்றுபுல்லிக்கு அருகில்
சின்ன புள்ளிகள் வைத்தால்
அது தொடருமல்லவா...

நம் உறவும் அதுபோலதான்
நாம் எவ்வளவு தான் சண்டை
போட்டாலும் இருவர் மனதிலும்
ஒருவரை ஒருவர் அழித்துவிட
கட்டாயம் முடியாது ....

மனதோடு சொல்கிறேன்

மனதோடு சொல்கிறேன்

எத்தனை காலம் நீ என்னிடம் கேட்டாய்..
 
என் மனதோடு சொல்கிறேன்.. உனக்கே
என் மனதைக்கொடுத்துவிட்டேன் என்று..

இதயத்தோடு சொல்கிறேன்
உன்னில் பாதியாகிறேன் என்று..

கண்கள் உயிர் சாட்சியாக
காலம் சாட்சியாக ..

உயிர் என்னும் உள்ளத்தில் உன் பிம்பம்தான்
எழுதுகின்ற கவிதையில் எழுத்தும் நீயே..

காலையும் மாலையும் உன்னையே  காண்கிறேன்
என் இதயக்கூட்டுக்குள்  இருந்து சொல்கிறேன்..

உன் கை மீது கை கோர்த்துச்சொல்கிறேன்
நீயே என் வாழ்கை..

ஆயிரம்கோடி ஆசைகளுடன் உன்னிடம்
என் இதயத்தைச்சொல்ல ஓடோடி வருகிறேன்..

உன்னைக்கண்டேன்  மண மேடையில்
இன்னொருத்தியின் கணவனாக ... 

இவ்வளவுதான் என்மேல் உனக்கு காதலா... 

உயிரானவன்

உயிரானவன்

பேசாத எனக்கு வார்தையானவன் நீ
எழுதாத எனக்கு கவிதையானவன் நீ..

இனிப்பான மொழிகளுள் தமிழானவன் நீ
என் உள்ளம் கவர்ந்ததால் கள்வனானவன் நீ..

என் நன்மை தீமை உரைப்பதால் நண்பனும் நீ
என் சந்தேகங்களை தீர்ப்பதால் என் ஆசானும் நீ..

என் பசி தாகம் அறிவதால் என் தாயுமானவன் நீ
மௌனமான என் வாழ்கையில் வசந்தமானவன் நீ..

மொத்தத்தில் என் உயிரானவன் நீ....

குருவிக்கூடு

குருவிக்கூடு

நெஞ்சமெனும் கூட்டிலே

உன்னைவைத்தேன்

கண்ணிலே சிறை வைத்தேன்

எனக்கே எனக்கென்று நீ..

உனக்கே உனக்கென்று  நான்..

தென்றலான  நம் வாழ்க்கை
அழகான குருவிக்கூடு போன்றது

நமக்கென்ற நம் குழந்தைகள்..

நாம் பெற்ற அழகான வசந்தங்கள்

நன்றி நம் பெற்றோருக்கே...

பாசம்

பாசம்

ஏய் ஓடாத நில்லு...
எங்காவது கால் தடுக்கபோகுது ..

கொஞ்சம் சும்மா இருங்களேன்..
எல்லாரும் நம்மளையே பார்க்கிறாங்க..

பார்த்தா பார்க்கட்டும்.....

நான்தான் உன் கதாநாயகன்னு
எல்லாருக்கும் தெரியும்....

ஒரு சிறு அணைப்பு
ஒரு இதழ் பதிப்பு...

இன்னும் கல்யாணத்திற்கு
பத்து நாள்தான் இருக்கு ..

எவ்வளவு வேலை இருக்கு
இப்படி தொல்ல பன்றிங்கலே ..

பேரன் பேத்தி எல்லாம் ..
கிண்டல் பன்றாங்க ..

பாட்டி தாத்தா ஏன் உன் பின்னாலேயே
சுத்துரார்னு கேட்கிறாங்க ..

ம்ம்.. ..

வாழ்க்கை

வாழ்க்கை

என் மீது உன் கோபம் தான் என்ன
உடை அழகு என்றேன்.....

என் அம்மா தேர்வு என்றாய்...

இத்தனை நளினம் உன்னிடம் தான்
நான் காண்கிறேன் என்றேன்...

அது என் அம்மாவால் வந்தது என்றாய்...

இத்தனை சிக்கனம் உன்னிடம்தான் என்றேன்
அது என் அம்மாவிடம் கற்றது என்றாய்...

எப்படி உன்னால் எல்லாம் சரியாக பேசமுடிகிறது என்றேன்
என் அப்பாவை பார்த்து நான் கற்றது என்றாய்..

நீ செய்யும் ஒவ்வொரு செயலுக்கும்
அப்பா அம்மா காரணம் என்றாய்..

இத்தனை செய்த அவர்கள் உன் வாழ்க்கை
துணையை சரியாகத்தானே தேர்வு செய்வார்கள் என்றேன் ..

நீயோ காதல் என்று சொல்லி என்னிடம்
கோபப்படுவதேன் ....

உன்னை செதுக்கிய அவர்கள்
உன் வாழ்கையை தெரிவு செய்ய மாட்டார்களா ..

மழலை

மழலை

உன்னை பார்த்துக்கொண்டே இருக்க
என் மனம் துடிக்கிறதே ..
நீதான் எத்தனை அழகு

உன் துருதுரு பார்வை
அதில் தீட்டிய மை
நீ கண்ணுருட்டி பார்க்கும் பார்வை

உன் சின்ன கால்களின் கொலுசு
உன் மணியோசை சிரிப்பு
என் மனதை கொள்ளை கொள்கிறது

உன் செம்பவள வாய் திறந்து
நீ பேசும் மழலை ..எத்தனை தித்திக்கிறது

உன்னை அள்ளி அணைக்க
என் தாயுள்ளம் ஏங்குகிறது..

சுட்டிப்பெண்ணே நீ என்
கட்டி தங்கமல்லவா ..

உன் பிஞ்சு கரங்களால்
நீ எனை தீண்டும் போது
உலகையே மறக்கிரேனடி நான் ...

காதல்

காதல்

உன் இதழ் ஓர சிரிப்பு
என் உள்ளத்தின் சிலிர்ப்பு
என் நெஞ்சம் பறக்கிறது
நீ அருகினில் வந்தாலோ
என்னுள் ஏன் தான் இந்த
பயமோ ..
இதென்ன இத்தனை
உணர்சிக்கலவை ..
ஒ ..
இதுதான் காதலா....
ஒரு நாளைக்குள் இத்தனை கனவா
உன்னையன்றி வேறு எதையும்
நினைக்கவே தோன்றவில்லையே ..
என் நடை உடை அத்தனையும்
ஒரு நாளில் மாற்றி விட்டாயே
உன்னைப்பார்க்கவே விடிகிறதோ
பார்த்தால் நாணம் மிகுதியாகிறது
பார்க்கவிட்டால் ஏக்கம் மிகுதியாகிறது
எப்போதும் பறப்பது போலவே ...ம்..

நன்றி

நன்றி

ஐ லவ் யு ..
திரும்ப திரும்ப காதுகளில்
ஒலித்துக்கொண்டே இருந்தன
தாங்க முடியவில்லை இது
ஏன் என் கண்ணீரில் குளிக்க
அத்தனை ஆசைப்படுகிறாய்
வந்தவரெல்லாம் தோஷ
ஜாதகம் என்று ஓட
நீ மட்டும் ஏன் இப்படி
என்னை விரும்பும் உன்னை
நான் எப்படி ஏற்ப்பேன்
நீ எங்கிருந்தாலும் வாழ்க ..

யாதுமாகி நின்றவன்

 யாதுமாகி நின்றவன்

என் மனதில் ஒரு வெறுமை
நீ பேசியும் சந்தோஷிக்கவில்லை மனது..

ஏன்தான் பிறந்தோம் என்று எத்தனையோ நாட்கள்
உணக்காகவே பிறந்ததாக சில நாட்கள்...

எல்லாம் மாயை என்று இப்போது..

என் நிலை உன் மனதில் என்ன
உன் ஒற்றை வார்த்தையில் புரிய வைத்தாய்...

இதுதான் என் நிலை என்று புரியவைத்தாய்
என் ஆயிரம் கோடி நன்றிகள் உனக்கு...

உன்னை புரிய வைத்தமைக்கு..

உணர்சிகளை கொல்வது எனக்கு புதிதல்ல
என் உணர்சிகளை கொல்ல முடியும்...

ஆனால் சாகும் வரை என் நினைவுகள் உன்னோடு
என்னை மறக்க உன்னால் எப்படி முடிந்தது ..

என்னை என் மனதை நன்கு புரிந்தவன் என்று நினைத்தேன்..

மறுபடி பிறந்தேன் உன்னால்
உடனே இறந்தேன் உன்னால்

என் யாதுமாகி நின்றவனன்றோ நீ....

குட்டி குழந்தை

குட்டி குழந்தை

பையன் பிறந்திருக்கான் கேட்ட அந்த நொடி
தரையே காலடியில் இருந்து நழுவுவது போல
வானத்தில் இறக்கை கட்டி பறப்பது போல ..

அப்பப்பா என்ன உணர்வுடா இது..
குழந்தையின் அழுகை கூட
இனிய சங்கீதம் போல உள்ளதே ..

குட்டி குட்டியாய் கை கால்கள்
சொப்பு வாய்.. சிவந்த இதழ்..
இன்னும் பார்த்துக்கொண்டே இருக்கலாம் போல ..

குட்டி குழந்தையை தனியே விட்டு
ஒரு நொடி கூட பிரிய மனமில்லையே
எவ்வளவு அழாகாக சிரிக்கிறான் ..

என்னவள் தாய்மையின் பூரிப்பில் இன்னும்
தேவதை போல இருக்கிறாள்..

நாளை பெயர் சூட்டு விழா
வந்த அத்தனை பேரும் பொம்ம மாதிரி
இருக்கான்பா உங்க பையன் ..

பூரிப்பில் நாங்கள் இருவரும் ...

ஒரு குழந்தையே போதும்...
அவனை நன்கு வளர்க்க வேண்டும்
எங்கள் இருவரின் ஒருமித்த கருத்து..

ஒவ்வொரு நாளும் விடிவதே
எங்கள் செல்லத்துக்காகத்தான்..
எங்கள் வாழ்கையே ஆனந்தமாக்கிவிட்டான் ..

இப்போதான் முதல் பிறந்த நாள்
கொண்டாடியது போல இருக்கு
அதுக்குள்ளே ஸ்கூல் சேர்த்தாச்சு..

மீண்டும் பாடங்கள் நாங்களும் படிக்க ஆரம்பித்து
அப்பாடா என்று நிமிர்ந்தால் கல்லூரி படிப்பை
முடித்து வேலைக்கு சேர்ந்துவிட்டேன் என்கிறான் ..

நல்ல இடமாக பார்த்து மனமுடிதாயிற்று
இதோ பேரப்பிள்ளையும் பிறந்துவிட்டான்
ஏதோ மிகப்பெரும் சாதனை புரிந்த பூரிப்பு எங்களுக்குள்..

தாத்தா பாட்டி நாளைக்கு உங்க ரெண்டு
பேரையும் எங்கேயோ ஹோம்ல
சேர்க்க போறாங்களாம்...

பெயர் பொருத்தம்

பெயர் பொருத்தம்

பெயர் பொருத்தம் என்பது இது தானோ
உன் பெயரைப் போலவே உனக்குள்தான்
எத்தனை இனிமை எத்தனை புதுமை..

நீ சிந்திப்பதெல்லாம் நல்லவையே
உதவிக்கரம் என்பதும் உன்கரமன்றோ..

அனைத்து குடும்பங்களும் சிறப்பாக வாழ
அவர்தம் மனங்களை செதுக்கும் சிற்பியன்றோ நீ..

உனக்குள் எத்தனை சிந்தனைகள்
அத்தனையும் முத்துக்களன்றோ..

நடை முறை விளக்கங்களும்
அதன் பாகுபாட்டையும் அதற்க்கு
நீ தரும் விளக்கமும் எல்லாமே
பொக்கிஷமாக போற்றபடக்கூடியவை ..

ம்..நீ தான் இப்படி என்றால்
உன் துணையோ உனக்கேற்ற ஜோடிதான்..

நீல வானின் வெள்ளி நிலவைபோன்றவள்
உன் பெயரை போலவே அவள் பெயரும்
உன் பெயருக்கேற்ற பொருத்தம் ..

அவளுக்குக்கேற்ற பெயர்.. எப்படி இந்த
இரண்டு பெயர்களும் இத்தனை அழகு..

காணும் பார்வையில் கருணை மிக்கவள்
பேசும் பேச்சிலோ இனிமையை தவிர
வேறறியாதவள்..சிரிப்பின் அழகவள்..

உன் சொல்லன்றி வேறு அறியாதவள்
தேவாரம் படித்து அதன் இனிமையில்
இறைவழி உன் துணையுடன் நடப்பவள்..

உங்கள் வழி நடந்தாலே இல்லறமும் நல்லரமன்றோ
வணங்குகிறேன் உங்கள் பொற்பாதங்களை..

நினைவலைகள்

நினைவலைகள்

என் நினைவலைகள் ஒரு நாள் உன்னைச்சேரும்
உன் நினைவாலே வாடுவது நானல்ல
என்னுள் இருக்கும் நீதான் ..

எங்கோ தூரத்தில் நீ இருந்தாலும்
உன் நினைவாலே என்னை
ஆட்டுவிப்பதும் ஏனோ...

உன்னை நினைத்தே உயிர் வாழ்கிறேன்
உன் நினைவாலே சுவாசிக்கிறேன்
உன் நினைவே என்னுள் எப்போதும்..

உன் நினைவலைகள் என்னை சேர்வதால் தான்
உன் நினைவாலே நானும் வாடுகிறேன்
உன் நினைவே என்னுயிரை தாங்குகிறது ..

தாலாட்டு

தாலாட்டு

 
மலை போன்ற சிந்தை கொண்ட
என் குழந்தையே ..

உன் கண்களும் வற்றிவிட்டது
நீயும் சற்று அமைதி பெரு..

நோய்களும் உன்னை கண்கொண்டு
புரமுதுகிட்டோடும் காலம் வரும் ..

அதுவரை நீயும் சற்றே உறங்கு
மனம் அமைதி பெற்று உறங்கு ..

உன் மன காயங்கள் ஆறவே
நானும் இறகு கொண்டு வீசுவேன் ..

சிந்தை கலங்கலாமோ நீ
சீரும் வீரமல்லவோ நீ

வெற்றி பெறவே பிறந்தவனல்லவா நீ
தமிழின் அமுதல்லவா நீ..

சற்றே கண்ணயர நானும் பாடுகிறேன்
தாலாட்டொன்றை கண்ணே நீ கண்ணுறங்கு ..

0

இதுதான் காதலோ

இதுதான் காதலோ

நானும் உயிர் பெற்றேன்
உன் குரல் கேட்டதுமே..

மலை போல் குவித்து வைத்த கோபம்
ஒரு நொடியில் போனதெங்கே ..

இதுதான் காதலோ ..

என்னதான் உன் குரல்.. உண்மை
குரலில் அல்ல என் காதலில் ..

மயக்கம்

மயக்கம்

என்னதான் நான் என்னை
மாற்றிக்கொள்ள நினைத்தாலும்
என் மனம் முழுக்க உன் நினைவுப்பூக்கள்..

உன்னுடன் பேசக்கூடாது என்று
என் உதடுகள் கட்டளையிடுகிறது
ஆனால் என் மனம் அதை ஏற்பதே இல்லை..

உன்னை பார்க்ககூடாது என்று
கண்களை மூடிக்கொள்கிறேன்
மூடிய கண்களில் உன்னுருவம்..

நான் காணும், நினைக்கும் அணைத்து
செயல்களிலும் உன்னையே காண்கிறேன்..

நீ என்னை பார்க்கும் போது
என் மனதில் ஏன் தான் இந்த தவிப்போ..

நீ சிரித்துவிட்டால் என்னை கட்டுபடுத்தவே
நான் மிகவும் கஷ்டப்படுகிறேன் ..

ஆனாலும் நீ ரொம்ப மோசம்
உன் துருதுரு பார்வையாலேயே
என்னை மயக்கி கட்டிப்போட்டுவிட்டாயே..

உன் அருகில் இருக்கும் போது
என்னையே நான் மறந்து போகிறேன்
என்ன மாயம் செய்தாயோ நீ..

இதயத்தின் ஓசை

இதயத்தின் ஓசை

ஏன் இப்படி என்னுள்..
எதற்க்கு இந்த மாற்றம்..

இதயத்தின் ஓசை அடங்கும் முன்னர்
மாற்றம் மாறுமா இதயம் ஓலமிடுகிறது..

என் துடிப்பை நிறுத்திவிடு என்கிறது
மனமது மடிந்திட என்ன செய்ய வேண்டும்..

நினைவுகள் நீங்கினால் சித்தப்ரம்மை அன்றோ
நான் பைத்தியமாவதுதான் உன் விருப்பமா ..

நான் என்ற கர்வம் என்னுள் எங்கோ ஒளிந்துக்கொண்டது
ஒரு சிறு தும்மலுக்கு கூட பயப்படுகிறது மனது..

ஏமாற்றம் என்பது வாழ்கையில் சகஜம்
ஏமாற்றமே வாழ்கையானால் என் சொல்வது

இத்தனைக்கும் காரணம் மாறாத அன்புதான்
காதலுக்குதான் எத்தனை மகத்தான சக்தி..
..............................

.....
ஏன் இப்படி என்னுள்..
எதற்க்கு இந்த மாற்றம்..

இதயத்தின் ஓசை அடங்கும் முன்னர்
மாற்றம் மாறுமா இதயம் ஓலமிடுகிறது..

என் துடிப்பை நிறுத்திவிடு என்கிறது..
நான் இருக்கிறேன் என்கிறது நட்பு

நினைவுகள் நீங்கினால் சித்தப்ரம்மை அன்றோ
உன் நினைவுகளும் என்னை விட்டு நீங்காது

நான் என்ற கர்வம் என்னுள் எங்கோ ஒளிந்துக்கொண்டது
நட்புக்கு முன் அனைத்தும் சமம் என்று புரிகிறது

ஏமாற்றம் என்பது வாழ்கையில் சகஜம்
ஏமாற்றத்தை தடுப்பது நட்பன்றோ

இத்தனைக்கும் காரணம் மாறாத அன்புதான்
நட்புக்குத்தான் எத்தனை மகத்தான சக்தி..

சாரல் காற்று

சாரல் காற்று

சில்லென்ற காற்று என்னை தழுவும் போது
நானும் என்னை மறக்கிறேன் ..ம்..
எத்தனை சிலிர்ப்பு..

எங்கிருந்துதான் இந்த சாரல் காற்றோ
உனக்கு மட்டும் ஏன் இந்த குளிர்ச்சி
எதற்கும் கலங்க மாட்டாயோ ..

இருக்கட்டும் உன்னைவிட
என்னவரின் அணைப்பு மீண்டும் என் தாயின்
கருவறைக்குள் இருப்பது போல ..